Bakıda baş verən qəzada 1 nəfər öldü

Bakının Nərimanov rayonunda ağır yol qəzası baş verib. Bu barədə Avtosfer.az-a Daxili İşlər Nazirliyinin mətbuat xidmətindən məlumat verilib. Məlumata görə, hadisə rayonun Z.Bünyadov prospektində qeydə alınıb. Bakı şəhər sakini Tengiz İsgəndərov idarə etdiyi “Mercedes” markalı avtomobillə yolu keçən Masallı rayon sakini Məmməd Novruzovu vurub. Nəticədə piyada xəstəxanaya aparılarkən yolda ölüb. Faktla bağlı araşdırma aparılır.