Bakıda dəhşətli qəza: ölən var

Bakıda sürücünün ölümü ilə nəticələnən yol qəzası baş verib. avtosfer.az-ın Fövqəladə Hallar Nazirliyinin saytına istinadən verdiyi məlumata görə, “112” qaynar telefon xəttinə daxil olmuş məlumata əsasən, Bakı şəhəri, Sabunçu rayonu ərazisində yol-nəqliyyat qəzası baş verib. Dərhal hadisə yerinə FHN-in müvafiq xilasetmə qüvvələri cəlb olunub. Hadisə yerində əməliyyat şəraiti qiymətləndirilərkən məlum olub ki, "Shacman" markalı yük avtomobili yola aşıb və sürücü 1991-ci il təvəllüdlü Elton Lütvü oğlu Qədirov avtomobilin altında sıxılmış vəziyyətdə qalaraq hadisə yerində vəfat edib. Xilasedicilər təhlükəsizlik qaydalarına riayət etməklə ağır yük qaldırma qabiliyyətinə malik qaldırıcı kranın köməkliyi ilə aşmış avtomobili qaldıraraq E.Qədirovun cəsədini çıxarmış və aidiyyəti üzrə təhvil veriblər. Xilasedicilər ərazidə müvafiq təhlükəsizlik tədbirləri də görüblər.