Bakıda “Hyundai” süpürgəçini vurdu, ölən var

Bakının Nərimanov rayonunda ağır yol qəzası baş verib.

Hadisə Təbriz küçəsində qeydə alınıb.

Belə ki, sözügedən küçədə yüksək sürətlə hərəkətdə olan “Hyundai” markalı avtomobil yolu süpürən qadını vurub. Zərbənin təsirindən qadın yol kənarında dayanan “Şuşa” restoranın ofisiantı 1999-cu il təvəllüdlü Heydərov Şəhriyar Namiq oğluna dəyib. Bundan təsirlənən Ş.Heydərov da yıxılaraq başı beton plitəyə çırpılıb.

Süpürgəçi qadın hadisə yerində dünyasını dəyişib. Ş.Heydərov Kliniki Tibbi Mərkəzə yerləşdirilib.

Faktı Nərimanov Rayon Polis İdarəsinin əməkdaşları araşdırır. (APA)