Bakıda iki avtomobil toqquşub, xəsarət alanlar var - FOTO - VİDEO

Bakının Nəsimi rayonunda yol qəzası baş verib.

Avtosfer.az xəbər verir ki, hadisə Mirmahmud Kazımov küçəsi ilə Cavadxan küçələrinin kəsişməsində qeydə alınıb.

“Azsamand” markalı avtomobilin sürücüsü Emin Şərəfov Cavadxan küçəsində hərəkətdə olan “Kia” markalı maşının qarşısına çıxıb. Bu zaman “Kia” küçələrin kəsişməsinə daxil olan avtomobilə çırpılıb. Qəza nəticəsində “Azsamand” markalı maşının iki sərnişini ağır bədən xəsarətləri alıb. Yaralılar xəstəxanaya yerləşdirilib.

Əraziyə Nəsimi Rayon Polis İdarəsinin əməkdaşları cəlb edilib.