Bakıda "KamAZ" məktəbliləri vurdu: ölən va yaralanan var

Bakı şəhər Baş Polis İdarəsi paytaxtda yük maşınının məktəbliləri vurması ilə bağlı məlumat yayıb. Avtosfer.az-ın məlumatına görə, fevralın 9-da saat 13 radələrində, M.Ə.Rəsulzadə qəsəbəsində Bakı şəhər sakinləri – 1978-ci il təvəllüdlü Visuhi Cəfərov idarə etdiyi “Kamaz” markalı avtomobillə 2004-cü il təvəllüdlü Zivər Feyzullayevanı və 2005-ci il təvəllüdlü Hüseyn Mikayılovu vurub. Z.Feyzullayeva hadisə yerində ölüb, H.Mikayılov xəstəxanaya yerləşdirilib. Vəziyyəti orta ağırdır. Faktla bağlı CM-nin 263-cü maddəsilə iş açılıb. Binəqədi RPİ-də araşdırmalar davam etdirilir.

Emin