Bakıda maşın dairəyə çırpıldı, sürücü öldü - FOTO

Bu gecə Bakının Binəqədi rayonu ərazisində ölümlə nəticələnən yol nəqliyyat hadisəsi baş verib. Avtosfer.az apa-ya istinədən xəbər verir ki, 31 yaşlı Allahverdi Qəzənfər oğlu Əsgərov "Mitsubishi" markalı nəqliyyat vasitəsi ilə Sulutəpə qəsəbəsindən şəhər istiqamətində hərəkətdə olarkən Xocahəsən dairəsində qəflətən idarəetməni itirib. Nəticədə nəqliyyat vasitəsi dairəyə çırpılıb. Zərbənin təsiri güclü olduğundan maşın bir neçə dəfə yuvarlanaraq yolun digər istiqamətinə düşüb. Qəza nəticəsində sürücü Allahverdi Əsgərov hadisə yerində dünyasını dəyişib. Hadisə yerində araşdırma aparan Yol Patrul Xidməti əməkdaşlarının gəldikləri ilkin qənaətə görə, qəza yüksək surət və havanın dumanlı olması səbəbindən baş verib.

Faktla bağlı Baş Dövlət Yol Polisi İdarəsinin istintaq və təhqiqat idarəsində cinayət işi başlanılıb, araşdırmalar aparılır.