Bakıda "Mercedes" işıq dirəyinə çırpılıb iki qatlandı; alovlanma başladı - VİDEO

Bakıda yağışlı hava qəzaya səbəb olub. Avtosfer.az-ın məlumatına görə, hadisə Səbail rayonu, Bayıl qəsəbəsində baş verib. Bayraq Meydanının yaxınlığında hərəkətdə olan "Mercedes" markalı minik avtomobili idarəetməni itirərək yoldan çıxıb və səkiyə dırmanaraq işıq dirəyinə çırpılıb. Qəza nəticəsində avtomobilin ön hissəsi iki yerə qatlanıb. Avtomobilin mühərrik hissəsində alovlanma baş verib. Hadisə yerinə gələn Səbial rayon Yanğın Təhlükəsizliyi İdarəsinin əməkdaşları avtomobildə baş verən yanğını söndürüblər.

Hadisə yerinə Yol Patrul Xidməti (YPX) əməkdaşları cəlb olunub, araşdırma aparılır.