Bakıda Moldova vətəndaşı ağır qəza törətdi

Bakıda xəsarətlə nəticələnən yol-nəqliyyat hadisəsi baş verib. Səbail rayon Polis İdarəsindən Lent.az-a verilən məlumata görə, Moldova vətəndaşı, 1989-cu il təvəllüdlü Radican Anton Vasilyeviçin idarə etdiyi "Mercedes" markalı avtomobil beton maneələrə çırpılıb. Əslən qaraçı olan 25 yaşlı A.Radican avtomobilin idarəetməsini itirib və Səbail rayonb Dövlət Yanğından Mühafizə Hissəsinin qarşısında avtomobil qəzaya uğrayıb. Sürücü ağır vəziyyətdə xəstəxanaya yerləşdirilib.

Qeyd edək ki, həmin ərazidəki beton maneələr paytaxtda keçiriləcək avtomobil yarışı ilə əlaqədar yerləşdirilib.