Bakıda qadını maşınla öldürüb qaçdılar

Bu gecə Bakının Binəqədi rayonunda qadının ölümü ilə nəticələnən yol qəzası baş verib. Avtosfer.az-ın Daxili İşlər Nazirliyinin mətbuat xidmətinə istinadən verdiyi məlumata görə, saat 01 radələrində Binəqədi rayonu Y.Hüseynov küçəsində müəyyən edilməmiş avtomobillə yolu keçən Zeynəb Əsgərova vurulub. Qadın ağır yaralanıb. Onu xəstəxanaya yerləşdiriblər. Lakin həkimlər qadının həyatını xilas edə bilməyiblər. Polis qadının ölümünə səbəb olaraq, hadisə yeirndən qaçan sürücünü axtarır. Faktla bağlı cinayət işi başlanıb.