Bakıda qəza: sürücü yaralı sərnişini qoyub qaçdı

Gecə Bakının Binəqədi rayonunda yol qəzası baş verib. Avtosfer.az-ın anspress-ə istinadən məlumatına görə, hadisə zamanı Bakı Beynalxalq Avtovağzalının yaxınlığında Xırdalan istiqamətindən 20 yanvar dairəsinə doğru hərəkətdə olan “Daewoo” markalı avtomobilin sürücüsü idarəetməni itirib. Nəticədə avtomobil beton yolayrıcına çırpılıb daha sonra isə nəqliyyat vasitəsi aşıb və avtomobil yanmağa başlayıb. Qəzadan sonra hadisə yerinə polislərlə yanaşı, təcili tibbi yardım və yanğından mühafizə xidmətinin əməkdaşları da cəlb olunub. Yanğının qarşısı alınandan sonra sürücü və sərnişin avtomobildən çıxarılıb. Bundan sonra xəsarət alan sürücü tibbi müaynələrdən imtina edərək hadisə yerindən qaçıb. Maşında olan digər yaralı isə bir saylışəhər klinik xəstəxanasına çatdırılıb. Qəza ilə bağlı Baş Dövlət Yol Polis İdarəsinin əməkdaşları tərəfindən araşdırmalar aparılır. 

Qəzanın hansı şarəitdə baş verməsi bu araşdırmalardan sonra məlum olacaq.