Bakıda qəza törədən sürücü hadisə yerindən qaçdı - VİDEO

Bakıda baş verən qəza anı avtomobildəki kameraya qeyd olunub. Avtosfer.az xəbər verir ki, hadisə noyabrın 9-da, paytaxt küçələrinin birində baş verib. Görüntünü qeydə alan sürücü bildirir ki,  svetoforun sağ dirəyində yaşıl işıq sönülü olduğu üçün dayanmağa məcbur olub. Bu zaman arxadan gələn 99-OP-558 qeydiyyat nişanlı “Hyundai” markalı avtomobilin sürücüsü onun maşınının güzügüsünü vuraraq sındırıb: “Yolun kənarına keçib dayandıq və avtomobillərin zədələnmiş hissələrinə  baxış keçirtdik. Qəzaya səbəb olan sürücü günahı öncə boynuna almadı. Lakin mən ona izah edərək bilirdim ki, sən sol zolaqda düzgün yerləşsəydin mənim maşınıma toxunmayacaqdın. İki zolağın arası ilə gəldiyin üçün qəza baş verdi. Səhvini anlayan sürücü avtomobilimi düzəltdirəcəyinə söz verdi. Biz hadisə yerindən uzaqlaşdıqdan sonra ona nə qədər zəng etsəm də telefonuna zəng çatmadı” – deyərək zərərçəkmiş sürücü bildirib.

Qeyd edək ki, zərərçəkmiş sürücü hadisə ilə bağlı Baş Dövlət Yol Polisi İdarəsinə rəsmi şəkildə müraciət etdiyini bildirib.

Fərid