Bakıda sürət həddini aşan sürücü “VAZ”ı dəmir hasara çırpıb aşırdı - VİDEO

Paytaxtın Nəsimi rayonunda yol-nəqliyyat hadisəsi baş verib.

Avtosfer.az-ın məlumatına görə, qəza yanvarın 13-də səhər saatlarında qeydə alınıb. Belə ki, hərəkətdə olan 99-NX-039 dövlət nömrə nişanlı “VAZ-2106” markalı avtomobil qəzaya uğrayıb. Şahidlərin iddiasına əsasən, qəzaya səbəb sürücünün döngəyə sürətlə daxil olması olub. Nəticədə idarəetmədən çıxan maşın dəmir hasara çırpılaraq aşıb. Hadisə zamanı nəqliyyat vasitəsinə maddi ziyan dəyib, sürücü yüngül bədən xəsarətləri alıb. 

Qeyd edək ki, hadisə yerinə DYP əməkdaşları cəlb olunub. Faktla bağlı araşdırma aparılır. 

Nərmin