Bakıda yolayrıcında qəza: Motosiklet “Hyundai”a çırpıldı - ANBAAN VİDEO

Paytaxtda baş vermiş yol qəzası anbaan kameraya düşüb.

Avtosfer.az-ın məlumatına görə, görüntü bir neçə gün əvvəl səhər saatlarında qeydə alınıb. Belə ki, Fikrət Əmirov küçəsindən yolayrıcına daxil olan “Hyundai” markalı maşın, Nizami küçəsi istiqamətdən gələn 99-H-953 dövlət nömrə nişanlı “BAJAJ” markalı motosikletlə toqquşub. Hadisə zamanı nəqliyyat vasitələrinə maddi ziyan dəyməyib.

Görüntüdən də aydın olduğu kimi, qəzanın baş verdiyi ərazidə stop nişanı var. Avtomobilin sürücüsü isə bu nişana əhəmiyyət vermədən yolayrıcına daxil olur. Nəticədə isə qəza qaçılmaz olur. Qanunvericiliyə əsasən, sürücü yolayrıcına daxil olmazdan öncə hərəkət üstünlüyünə malik olan nəqliyyat vasitələrinə yol verməlidir.

Nərmin