Banner

Brendlər artıq boş vədlərə deyil, real nəticəyə ödəyir: COOPO Azərbaycanda UGC marketinq qaydalarını dəyişir

Texnologiya 20 Noyabr 2026 16:48
Brendlər artıq boş vədlərə deyil, real nəticəyə ödəyir: COOPO Azərbaycanda UGC marketinq qaydalarını dəyişir
WhatsApp kanalımıza abunə olun

Rəqəmsal reklam bazarında illərdir davam edən "sabit ödəniş, qeyri-müəyyən nəticə" dövrü başa çatır. Azərbaycanda fəaliyyət göstərən nəticəyə əsaslanan UGC (istifadəçi tərəfindən yaradılan məzmun) marketinq platforması COOPO, brendlərə reklam büdcələrini yalnız sübut olunmuş və təsdiqlənmiş real baxışlara yönəltmək imkanı yaradır.

"Göstəriş" yoxsa "Real Diqqət"?
Klassik rəqəmsal reklam hesabatlarında göstəriş (impression) rəqəmləri kağız üzərində cəlbedici görünə bilər. Lakin ekranda sadəcə sürüşdürülüb keçilən mikro-saniyəlik göstərişlə, videoya həqiqətən baxan və mesajı qəbul edən istifadəçi diqqəti tam fərqli anlayışlardır.

COOPO məhz bu reallığı əsas götürərək, kampaniyaların effektivliyini şişirdilmiş izləyici sayına deyil, real auditoriya diqqətinə görə ölçür. AFFA üçün həyata keçirilən son PR kampaniyası da bu yanaşmanın bariz nümunəsi olub — əsas fokus boş statistika deyil, mesajın real izləyicilərə çatdırılması olub.

Sabit ödəniş böhranına avtomatlaşdırılmış həll
Qlobal miqyasda UGC və influenser marketinqi hətta süni intellektin kütləviləşdiyi dövrdə belə ən yüksək effektivlik gətirən alətlərdən biri sayılır. Buna baxmayaraq, yerli bazarda əksər brendlər hələ də ənənəvi "sabit ödəniş" modeli ilə işləyir. Nəticədə kampaniyanın effektivliyindən asılı olmayaraq büdcə xərclənir, brendin payına isə çox vaxt gözləntiləri qarşılamayan statistika və bazara qarşı inamsızlıq düşür.

COOPO bu ənənəni tam avtomatlaşdırılmış və şəffaf sistemlə dəyişir:

Brendlər kampaniya tələblərini platformaya yerləşdirir.

Yoxlanılmış kreatorlar brifə uyğun videolar hazırlayır və məzmun yalnız brendin təsdiqindən sonra yayımlanır.

Kampaniyanın gedişatı real vaxt rejimində izlənir və nəticələr tam şəffaf şəkildə hesablanır.

Bu modelin effektivliyi Leobank-ın "Kids Card" kampaniyasında da özünü doğruldub: cəmi 7 kreatorun iştirakı ilə həyata keçirilən layihə planlaşdırılan hədəfi 4 dəfədən çox üstələyərək, yarım milyondan artıq real baxış toplayıb.

1 ildən az müddətdə aparıcı brendlər və Özbəkistan hədəfi
Fəaliyyətə başlamasından hələ 1 il tamam olmamasına baxmayaraq, COOPO artıq Azərbaycanın aparıcı şirkətlərinin etibarını qazanıb. Platforma üzərindən Azərlotereya, AFFA, Sandoz, Leobank, Predo, Misli.az, Kia, Dünyagöz və digər nüfuzlu brendlər üçün uğurlu kampaniyalar icra edilib. Yerli bazarda mövqeyini möhkəmləndirən platforma hazırda regional genişlənmə çərçivəsində Özbəkistan bazarına daxil olmağa hazırlaşır.

COOPO haqqında
COOPO ("UGC HUB" MMC tərəfindən idarə olunur) Azərbaycanda brendlərə, kreatorlara və reklam agentliklərinə xidmət göstərən, nəticəyə əsaslanan (performance-based) UGC marketinq platformasıdır. Yarat. Qoşul. Çevir.

Əlaqə və əməkdaşlıq üçün:

Veb-sayt: https://coopo.app

E-poçt: [email protected]

Telefon: +994 10 726 88 88

Oxunub : 60
ŞƏRH YAZ
Ad

E-mail

Şərh