Bakıda zəncirvari yol qəzası: xəsarət alanlar var - TIXAC

Bakıda 3 avtomobil toqquşub. Binəqədi Rayon Polis İdarəsindən verilən məlumata görə, yol qəzası Biləcəri qəsəbəsində, Bakı Beynəlxalq Avtovağzalın qarşısında qeydə alınıb.

İlkin məlumata görə, qəza zamanı biri yük kranı olmaqla 3 avtomobil toqquşub. Bakı şəhər Təcili və Təxirəsalınmaz Tibbi Yardım Stansiyasından APA-ya açıqlamasında bilrilib ki, hadisə yerinə 3 təcili yardım briqadası göndərilib. Hadisə nəticəsində yaralanan 4 nəfər Kliniki Tibbi Mərkəzə aparılıb.

Hadisə baş verən ərazidə tıxac yaranıb. Hazırda polis tıxacın aradan qaldırılması və qəzaya düşən avtomobillərin hadisə yerindən götürülməsi istiqamətində iş aparır.