Bakının səhəri ağır qəza ilə açıldı: 1 ölü, 4 yaralı

Bakının Sabunçu rayonu ərazisində ağır yol qəzası baş verib. Sabunçu rayon Polis İdarəsindən verilən məlumata görə, hadisə səhər saat 05:00 radələrində qeydə alınıb. Belə ki, Kürdəxanı-Pirşağı yolunda iki minik maşını toqquşub. Qəza zamanı 4 nəfər ağır yaralanıb, 1 nəfər ölüb. Hazırda ölən və yaralıların kimliyi araşdırılır. Faktla bağlı cinayət işi başlanıb, araşdırma aparılır.