Bayram günləri yollarda 22 nəfər öldü

Bayram günləri ölkə ərazisində baş verən yol qəzalarının statistikası açıqlanıb. Baş Dövlət Yol Polisi İdarəsinin ictimai qurumlarla əlaqə şöbəsinin rəisi Kamran Əliyevin Avtosfer.az-a verdiyi məlumata görə, mart ayının 20-dən 29-a qədər ölkə ərazisində 92 yol qəzası baş verib. Nəticədə 22 nəfər ölüb, 135 nəfər xəsarət alıb.

K.Əliyev baş verən qəzaların 36-nın paytaxt ərazisində qeydə alındığını bildirib. Nəticədə 11 nəfər ölüb, 59 nəfər xəsarət alıb. Baş verən qəzaların 30-u piyadaların vurulması ilə nəticələnib.