Bərdədə “Mercedes” aşdı: Ölən və yaralılar var

Bərdədə ölümlə nəticələnən yol qəzası olub.

Avtosfer.az Daxili İşlər Nazirliyinə istinadla bildirir ki, hadisə yanvarın 10-da saat 17 radələrində rayonun Qaradəmirçi kəndi ərazisində qeydə alınıb.

Qarayusifli kənd sakini A.Əkbərov idarə etdiyi “Mercedes” markalı avtomobili aşırıb.

Nəticədə avtomobildəki sərnişinlərdən biri - Əliağa Əsədov hadisə yerində ölüb, sürücü və digər 2 sərnişin xəstəxanaya yerləşdirilib. Onların vəziyyətlərinin orta-ağır olduğu bildirilir.

Faktla bağlı Bərdə rayon Polis Şöbəsində araşdırma aparılır.