Biləsuvarda "VAZ 2106” və “Priora” toqquşdu: 5 nəfər... - YENİLƏNİB

Biləsuvarda baş verən qəza nəticəsində xəsarət alan beş nəfərin kimliyi məlum olub.

Xəsarət alanlar Biləsuvar rayon sakinləridir. Bunlar 1984-cü il təvəllüdlü Dəyanət Quliyev, 1990-cı il təvəllüdlü Qaya Məmmədov, 1986-cı il təvəllüdlü Elməddin Rufullayev, 1991-ci il təvəllüdlü Anar Qurbanov və 1984-cü il təvəllüdlü Rəşad Feyzullayevdir.

Faktla bağlı araşdırmalar davam etdirilir.

***

Biləsuvar rayonunda xəsarətlə nəticələnən yol qəzası baş verib.

Hadisə rayonun Bəydili kəndi ərazisində qeydə alınıb.

"VAZ 2106” və “Priora” markalı minik avtomobilləri toqquşub. Qəza nəticəsində beş nəfərin xəsarət aldığı bildirilir.

Yaralılar rayon xəstəxanasına çatdırılıb.

Faktla bağlı araşdırma aparılır. (apa)