Binədə 3 avtomobil toqquşdu; 1 ölü

Bakının Xəzər rayonunuda ağır yol qəzası baş verib. DİN Mətbuat Xidmətindən Avtosfer.az-a verilən məlumata görə, iyulun 30-da saat 23 radələrində Binə qəsəbəsi ərazisində qəsəbə sakini Cavid Xanalıyevin idarə etdiyi “VAZ-2106” markalı, Mərdəkan qəsəbə sakini N.Hacıyevin idarə etdiyi “Mercedes” və Qaraçuxur qəsəbə sakini P.Həsənovun idarə etdiyi “Opel” markalı avtomobillər toqquşub.

Qəza nəticədə “VAZ-2106”-nın sürücüsü hadisə yerində ölüb.

Xəzər RPİ tərəfindən araşdırma aparılır.

Namiq Musayev