Bir ayda yol qəzalarında 69 nəfər ölüb - Azərbaycanda

Ötən ay ölkə ərazisində baş verən yol qəzalarında 6 uşaq dünyasını dəyişib. Avtosfer.az-ın məlumatına görə, Baş Dövlət Yol Polisi İdarəsinin ictimai qurumlarla əlaqə şöbəsinin əməkdaşı Namidan Piriyevin APA-ya bildirilib ki, yanvar ayında ölkə ərazisində 207 yol qəzası baş verib. Nəticədə  69 nəfər ölüb, 220 nəfər yaralanıb.

Yanvar ayında ölkə ərazisində baş verən qəzalarda 6 uşaq ölüb, 21 nəfər xəsarət alıb. Hesabat dövründə ölkə ərazisində piyadaların vurulması ilə nəticələnən 101 yol qəzası baş verib. Nəticədə 31 nəfər ölüb, 76 nəfər yaralanıb.  

Yanvar ayında respublikada sərxoş sürücülər tərəfindən 7 yol-nəqliyyat hadisəsi baş verib. Nəticədə 6 nəfər ölüb, 12 nəfər yaralanıb. Ötən ay avtobusların iştirakı ilə 12 yol qəzası baş verib. Nəticədə 3 nəfər ölüb, 12 nəfər yaralanıb.