Bu qəza sağ qalmaq üçün deyildi - VİDEO

Avtosfer.az atv.az-a istinadən xəbər verir ki, sürət avtomobili havaya uçdu, sürücü bu qəzadan möcüzə nəticəsində sağ çıxdı. Amerikalı Leri Dikson təhlükə ilə üzləşdiyi qəzada bəlkə də həyatının ən uğulu saniyələrini yaşayıb. Dəhşətli qəza, ABŞ-ın Qeynsvil şəhərində keçirilən Avto-plas sürət yarışında qeydə alınıb.

Bu yarışda iştirak edən xüsusi sürət avtomobilləri saatda azı  400 km sürətlə hərəkət edir. Finiş xəttinə yaxınlaşdıqda sürət o qədər çox olur ki, sürücülər maşını saxlamaq üçün paraşütdən istifadə etməli olurlər. Amerikalı Lerri Dikson bu yarışların ən təcrübəlilərindən sayılır. Bu vaxta qədər  3  dəfə çempion olan Lerri, ilk dəfə bu qədər dəhşətli mənzərə ilə qarşılaşıb.

Qəzadan möcüzə nəticəsində sağ çıxmaq bir yana, Lerrinin heç burnu da qanamayıb.  Mühafizə səddinə çırpılıb yerə düşən, parça-parça olan avtomobildən çıxan sürücü əlini havada yelləyərək, qəzanın şokunu yaşayan tamaşaçıları salamlayıb.

Bu qəza belə, təcrübəli sürücünün gözünü qorxutmayıb. O, mübarizəsini başqa yarış avtomobili ilə davam etdirir.