Cəlilabadda yol qəzasında ikisi qardaş olmaqla dörd nəfər xəsarət alıb

Cəlilabadda 4 nəfərin xəsarəti ilə nəticələnən yol qəzası baş verib.

Avtosfer.az xəbər verir ki, hadisə rayonun Göytəpə şəhəri ərazisində qeydə alınıb. Belə ki, iki avtomobil toqquşması zamanı rayonun Göytəpə şəhər sakinləri, 1990-cı il təvəllüdlü Sadiqov Tofiq Alxas oğlu, onun qardaşı, 1994-cü il təvəllüdlü Sadıqov Əliabad Alxas oğlu, Biləsuvar rayonunun Ağalıkənd sakinləri, 1957-ci il təvəllüdlü Əbilov Şəmo İbadulla oğlu və 1995-ci il təvəllüdlü Həsənli Qiymət Mail oğlu müxtəlif dərəcəli xəsarətlər alıb. Xəsarət alanlar Cəlilabad Rayon Mərkəzi Xəstəxanasına çatdırılıb. Faktla bağlı araşdırma aparılır.