"Dədəmin" avtoservisi yandı: 7 bahalı maşın və motosiklet kül oldu

Bakıda tanınmış avtomobil servisində yanğın olub. Avtosfer.az xəbər verir ki, FHN-nin rəsmi saytının verdiyi məlumata görə, Bakı şəhəri, Xətai rayonunda vətandaşa məxsus ümumi sahəsi 250 kv.m olan “Dədəmin” avtoservisinin yanar konstruksiyaları, içərisində olan, təmirə dayanmış sahibi məlum olmayan “Nissan” markalı minik avtomobilinin yanar hissələri, “Range Rover” markalı minik avtomobilinin arxa hissəsi qismən və bitişik avtomobil ehtiyatları mağazasının yanar hissələri həmçinin, mağazada olan 2 ədəd “Suzuki” markalı və 3 ədəd “Harley Davidson” markalı motosikletləri yanıb. Təmirə dayanmış “Range Rover” markalı avtomobilin qalan hissəsi, 6 ədəd minik avtomobili, mağazada olan 1 ədəd motosiklet və yaxınlıqdakı tikililər yanğından mühafizə olunub. Yanğın saat 03:58-də yanğınsöndürənlər tərəfindən söndürülüb.