Dəhşətli qəzada ölənlərdən ikisi ana-oğuldur

Daxili İşlər Nazirliyi Ağcabədidə baş vermiş yol-nəqliyyat hadisəsi ilə bağlı rəsmi məlumat yayıb. Nazirlikdən Avtosfer..az-a verilən məlumata görə, sentyabrın 14-də saat 22 radələrində Ağcabədi rayonunun Qaravəlli kəndində rayon sakinləri Teyyub Quliyevin idarə etdiyi “Mercedes”, Nəbi Ağamalıyevin idarə etdiyi “Daewoo” və Elgün Bəbişovun idarə etdiyi “BMW” markalı avtomobillər toqquşub. E.Bəbişov, N.Ağamalıyev və sərnişinlərindən - Bərdə rayon sakinləri Naibə Alıyeva və onun oğlu Fəqan hadisə yerində ölüb, N.Ağamalıyevin digər 5 sərnişini, habelə T.Quliyev və 1 sərnişini xəstəxanaya yerləşdirilib. Ağcabədi RPŞ tərəfindən araşdırma aparılır.

Emin