Dəşhətli qəza: Sərnişinlər diri-diri yandılar

Braziliyanın Rio-de-Janeyro şəhərində ağır yol qəzası baş verib. Avtosfer.az anspress-ə istinadən məlumat verir ki, avtobus işıqfor dirəyi ilə toqquşduqdan sonra qəfildən yanmağa başlayıb. Yanğın qısa müddətdə bütün avtobusu əhatə edib. Hadisə nəticəsində 9 nəfər diri-diri yanaraq ölüb, 9 nəfər isə xəsarət alıb. Xəsarət alanlar dərhal xəstəxanaya yerləşdiriliblər. Bir neçə xəstənin vəziyyəti ağır hesab olunur. Faktla bağlı istintaq araşdırması başladılıb. İlkin təhqiqatlara görə, avtobusun qəza törətməsinə səbəb yolun sürüşkən olması olub. Polis sürücünün qəza zamanı sürət həddini aşıb-aşmadığını müəyyən etməyə çalışır.