Gənc oğlan avtokarın altında qalıb öldü

Fevralın 2-də saat 11 radələrində Bakıda ölümlə nəticələn bədbəxt hadisə baş verib. Suraxanı rayon Polis İdarəsindən Lent.az-a verilən məlumata görə, “Fayton” firmasının icarəyə götürdüyü, “Titan” ASC-nin işlətdiyi anbarda 1990-cı il təvəllüdlü Fərzullayev  Nicat Fikrət oğlu yük qaldırmaq üçün istifadə edilən avtokarın altında qalıb. Ağır vəziyyətdə xəstəxanaya yerləşdirilən 25 yaşlı oğlanın həyatını xilas etmək mümkün olmayıb. Faktla bağlı araşdırmalar aparılır.