Gənc qadını vuran sürücü qaçdı - VİDEO

Bakının Suraxanı rayonu, Hövsan qəsəbəsi ərazisində piyadanın vurulması ilə nətijələnən yol nəqliyyat hadisəsi baş verib. Hələlik kimliyi bilinməyən sürücü idarə etdiyi avtomobillə yüksək sürətlə hərəkətdə olarkən yolu keçmək istəyən piyada qəsəbə sakini 32 yaşlı Vəfa Rzayevanı vurub. Avtomobil piyadanı vurduqdan sonra sürücü avtomaşınla birlikdə hadisə yerindən qaçıb. Yaralı Vəfa Rzayeva isə başqa bir nəqliyyat vasitəsi ilə 3 saylı şəhər klinik xəstəxanasına çatdırılıb. Dərhal əməliyyata götürülən yaralının həyatını xilas etmək mümkün olub. Yol qəzası ilə bağlı Suraxanı Rayon Polis İdarəsində araşdırmalar aparılır. Polis hadisəni törədib qaçan sürücünün müəyyən edilərək cinayət məsuliyyətinə cəlb olunması istiqamətində əməliyyat-axtarış tədbirlərinə başlayıb.