Gəncədə toqquşan avtomobillərdən biri aşdı, xəsarət alan var - FOTO

Gəncə şəhərinin 3-cü mikrorayon ərazisində yol qəzası baş verib, xəsarət alan var.

Hadisə zamanı "Xəzər Lada" və "Reno" markalı avtomobillər toqquşub.

Nəticədə idarəetmədən çıxan "Xəzər Lada" markalı avtomobil aşıb. Nəqliyyat vasitəsinin sürücüsü, 1959-cu il təvəllüdlü A.Ələkbərov müxtəlif bədən xəsarətləri alıb.

Hadisə yerinə təcili tibbi yardım briqadası cəlb olunub və zərərçəkmiş xəstəxanaya yerləşdirilib.

Faktla bağlı araşdırma aparılır. (report)