Gəndob-Yalama yolunda qəza: xəsarət alan var

Martın 15-i axşam saatlarında Gəndob-Yalama yolunun Xaçmaz rayonu, Mehrəliqışlaq kəndi ərazisindən keçən hissəsində yol nəqliyyat hadisəsi baş verib.

Avtosfer.az apa-ya istinadən məlumat verir ki, Bakı şəhər sakini, 1975-ci il təvəllüdlü İsmayılov Rüfət Vladimir oğlunun idarə etdiyi “Mitsubishi” markalı avtomaşınla 1990-cı il təvəllüdlü, Xaçmaz rayon sakini Bəşirov Qurban Səftər oğlunun idarə etdiyi “Qazel” toqquşub. Qəza nəticəsində “Mitsubishi”nin sürücüsü R. İsmayılov müxtəlif dərəcəli bədən xəsarətləri alıb. O, Xaçmaz Mərkəzi Rayon Xəstəxanasına yerləşdirilib. Vəziyyətinin orta ağır olduğu bildirilir. Hadisənin başvermə səbəbləri Baş Dövlət Yol Polis İdarəsinin istintaq və təhqiqat bölməsində araşdırmalar davam etdirilir.