General-leytenant rütbəsi daşıyan deputat qəzaya düşdü - FOTO

Dövlət Dumasının deputatı Andrey Qurulev Moskvanın mərkəzində qəza törədib.

Qəza Pravda küçəsində baş verib. İlkin məlumata görə, istefada olan general-leytenant Qurulev idarə etdiyi “Mercedes-Benz” markalı avtomobillə hərəkətdə olarkən BMW markalı avtomobilə çırpılıb. Hadisə yerindən çəkilən görüntülərə görə, qəza zamanı “Toyota” markalı avtomobilə də ziyan dəyib.

“Moskva” agentliyinin məlumatına görə, BMW sürücüsü qarşıdan gələn zolağa çıxaraq Qurulevin maşınına çırpılıb. Pravda küçəsində (Raskova zolağı ilə kəsişmə yaxınlığında) qəzadan sonra hər iki istiqamətdə nəqliyyatın hərəkəti bağlanıb.

Bildirilir ki, BMW markalı avtomobil dayanacaqdan çıxaraq deputatın maşınına çırpılıb. Ciddi xəsarət alan yoxdur. (lent.az)