Goranboyda “015” və “Shacman” TOQQUŞDU: Xəsarət alan var - FOTOLAR

Goranboyda yol nəqliyyat hadisəsi baş verib.

Avtosfer.az-ın APA-ya istinadən məlumatına görə, hadisə Goranboy-Ağcakənd avtomobil yolunda, Meşəli kəndi ərazisində qeydə alınıb. Borsunlu kənd sakini 1992-ci il təvəllüdlü Aqşin Rüstəmovun idarə etdiyi “Shacman” markalı yük maşını ilə Xocalı rayon sakini 2002-ci il təvəllüdlü Tacir Rəcəbovun idarə etdiyi “VAZ 21015” markalı minik maşını toqquşub. Minik maşını yolunun kənarına aşıb, sürücüsü xəsarət alıb.

Hadisə yerinə DYP əməkdaşları cəlb olunub.

Faktla bağlı araşdırma aparılır.