Göyçayda ölümlə nəticələnən qəza baş verib

Göyçay rayonunda bir nəfərin ölümü ilə nəticələnən avtomobil qəzası baş verib. Avtosfer.az-ın APA-ya istinadən xəbərinə görə, hadisə bu gün Göyçay-Bərgüşad yolunun 3-cü kilometrliyində, Cəyirli kəndi ərazisində qeydə alınıb. Rayonun Məlikkənd kənd sakini, 1993-cü il təvəllüdlü Həsənov Teymur Elxan oğlunun idarə etdiyi 23-BJ-224 dövlət nömrə nişanlı “Mercedes” markalı minik maşını qarşı tərəfdən gələn Kürdəmiş kənd sakini, 1965-ci il təvəllüdlü  İsmayılov Ağaisa Əlisa oğluna məxsus 23-BS-622 dövlət nömrə nişanlı, “VAZ 2104” markalı maşınla toqquşub. Ağaisa İsmayılov aldığı ağır xəsarətlər səbəbindən hadisə yerində dünyasını dəyişib.

Faktla bağlı Göyçay rayon Polis Şöbəsi tərəfindən cinayət işi açılıb, araşdırma aparılır.