Göygöldə dəhşətli qəza; "07" ağaca çırpıldı: 1 ölü, 4 yaralı

Göygöl rayonunda ölümlə nəticələn ağır yol qəzası baş verib.

Avtosfer.az xəbər verir ki, Göygöl rayon Yeni Zod kəndindən rayon istiqamətində hərəkətdə olan "VAZ 2107" markalı avtomobil idarəetməni itirərək ağaca çırpılıb. Hadisə nəticəsində avtomobildə olan sərnişinlərdən biri ölüb, 4 nəfər xəsarət alıb. Rayon Polis Şöbəsinin əməkdaşları dərhal hadisə yerinə gəlib, çətin hava şəraiti ilə əlaqədar ərazidə nəqliyyatın hərəkəti bərpa ediblər.

DİN-in Mətbuat Xidmətinin Gəncə regional qrupunun baş inspektoru polis kapitanı Eşqin Qasımov Avtosfer.az-a bildirib ki, hadisə zamanı sərnişin Bəsti Aslanova (1990), həlak olub, Elmir Yusibov (1988), Bayram Hacıyev (1999), Xudayar Rəfiyev (2007) və Aişə Hacıyeva (1997) müxtəlif dərəcəli bədən xəsarətləri alıblar.

Könül