Göygöldə dəmir arakəsmələrə çırpılan “Opel” yanıb

Göygöl rayonunda baş verən qəzadan sonra minik avtomobili yanıb. Avtosfer.az xəbər verir ki, hadisə rayonun Qızılqaya qəsəbəsində baş verib.

Məlumata görə, hərəkətdə olan “Opel” markalı minik avtomobili idarəetmədən çıxaraq yol kənarındakı dəmir maneəyə çırpılıb.

Nəticədə avtomobilin mühərrik hissəsi və idarəetmə lövhəsi yanıb.

Avtomobilin qalan hissəsi yanğından mühafizə olunub.

Yanğın yanğından mühafizə bölmələri tərəfindən söndürülüb.