Hacıqabulda zəncirvari qəza: “Mercedes” tamamilə sıradan çıxdı - VİDEO

Hacıqabulda nəqliyyat vasitələrinin iştirakıyla zəncirvari qəza baş verib.
Avtosfer.az-ın məlumatına əsasən, yol-nəqliyyat hadisəsi dünən axşam saatlarında “Fədək” istirahət mərkəzinin qarşısında qeydə alınıb. Belə ki, 99-TU-217 dövlət nömrə nişanlı, “Mercedes” markalı avtomobil, “Ford Transit” markalı yük maşını, 90-PD-185 dövlət nömrə nişanlı, “Chevrolet” markalı avtomobil bir-birinə çırpılıb. Qəzaya səbəb sürət həddinin yüksək olması bildirilib. Nəticədə “Mercedes” markalı avtomobil yararsız vəziyyətə düşüb. Həmçinin digər nəqliyyat vasitələri yüngül dərəcədə zədələnib. 
Qeyd edək ki, qəza zamanı xəsarət alan olmayıb.

Nərmin