Havada iki təyyarə toqquşdu; 2 pilot öldü

ABŞ-da tək mühərrikli iki təyyarənin iştirakı ilə qəza baş verib. Avtosfer.az xəbər verir ki, hadisə Nevada ştatının cənubunda yerləşən Kaliente şəhəri ərazisində qeydə alınıb. Bu barədə iyulun 31-də Federal Aviasiya İdarəsindən məlumat verilib.

Məlumata görə, qəza zamanı təyyarələrin hər birinin göyərtəsində 1 pilot olub. Toqquşma nəticəsində onların ikisi də həlak olub.

İnsidentin təfərrüatları məlum deyil.

ABŞ-ın Federal Mülki Aviasiya İdarəsi və Milli Nəqliyyat Təhlükəsizliyi Şurası hadisə ilə bağlı araşdırmalara başlayıb.

Namiq Musayev