![Samuxda "pravasız" narkoman sürücü saxlanıldı](/upload/news/small/1398155.jpeg)
Hərbi qulluqçu qəza törətdi; hospitala düşdü
![Hərbi qulluqçu qəza törətdi; hospitala düşdü](/upload/news/779c59.jpg)
Ötən gün gecə saat 23:00 radələrində Gəncə şəhəri Atatürk prospektində yol qəzası baş verib. Avtosfer.az Kəpəz TV-yə istinadən xəbər verir ki, 1977-ci il təvəllüdlü Cavadov Nəsimi İsmayıl oğlunun idarə etdiyi “Mercedes” markalı 90-GD-900 dövlət nömrə nişanlı avtomobil prospektlə hərəkətdə olarkən Muxtar Hacıyev küçəsi ilə kəsişmədə səkiyə və ağaca çırpılıb. Avtomobil daha sonra yolun kənarında saxlanılan «RAF» markalı 20-AC-259 dövlət nömrə nişanlı mikroavtobusa dəyib. Hadisə nəticəsində hər iki avtomobil zərər görüb, “Mercedes” markalı avtomobil, demək olar ki, tam yararsız hala düşüb.
Qəza zamanı “Mercedes”in sürücüsü kəllə-beyin travması alıb. Yaralı Azərbaycan Silahlı Qüvvələrinin hərbi qulluqçusu olduğundan hospitala yerləşdirilib. Hadisə ilə bağlı araşdırma aparılır.