Hərbi vertolyot qəzaya uğradı; hadisə yerindən 4 nəfərin cəsədi aşkarlandı

Filippinin cənubunda hərbi vertolyot qəzaya uğrayıb. Avtosfer.az xəbər verir ki, hadisə Basilan əyalətində qeydə alınıb. Bu barədə sentyabrın 16-da “ABS-CBN” media qrupu məlumat yayıb.

Məlumata görə, qəza güclü küləklə müşahidə edilən leysan səbəbindən baş verib.

Hadisədən sonra xilasedicilər insident yerindən 4 nəfərin cəsədini aşkarlayıblar.

Bildirilir ki, vertolyot Zamboanqa şəhərindən Holoya mülki personalı təxliyə etmək üçün uçurmuş.

Hadisə ilə bağlı araşdırma aparılır.

Namiq Musayev