Hövsanda “Chevrolet”lə toqquşan “Vito” aşdı - ANBAAN VİDEO

Paytaxtın Suraxanı rayonu, Hövsan qəsəbəsində baş verən yol-nəqliyyat hadisəsi müşahidə kamerasına düşüb.

Avtosfer.az xəbər verir ki, qəza fevralın 18-də səhər saatlarında qeydə alınıb.

Görüntülərdən aydın olur ki, hərəkətdə olan 77-XN-607 dövlət qeydiyyat nişanlı “Mercedes Vito” markalı maşın, “Chevrolet” markalı avtomobilə çırpıldıqdan sonra sürücü idarəetməni itirib. Nəticədə avtomobil aşıb.

Hadisə zamanı xəsarət alan olmasa da, nəqliyyat vasitəsinə ciddi maddi ziyan dəyib.

Qeyd edək ki, əraziyə polis əməkdaşları cəlb olunub.

Faktla bağlı araşdırma aparılır. 

Nərmin