İki "06" toqquşdu, iki nəfər yaralandı - FOTO

Bu gün səhər saat 12 radələrində Gəncə-Şəmkir yolunun 2-ci km-də yol-nəqliyyat hadisəsi baş verib. Avtosfer.az kəpəztv-yə istinadən xəbər verir ki, Gəncə şəhər sakini Akif Məmmədovun idarə etdiyi “VAZ 2106” markalı avtomobillə, Gədəbəy rayonu Gərgər kənd sakini Şaiq İsmayılovun idarə etdiyi "VAZ 2106" markalı maşın ilə toqquşub. Qəza nəticəsində Şaiq İsmayılovun idarə etdiyi avtomobildə olan sərnişinlər 73 yaşlı Lala İsmayılova və 41 yaşlı Laləzar Qəhrəmanova müxtəlif dərəcəli bədən xəsarətləri ilə Gəncə şəhər Təcili Tibbi Yardım Xəstəxanasına çatdırılıblar. 

Yaralılara ilk tibbi yardım göstərilib və palataya yerləşdiriliblər. Qəzanın dəqiq səbəbləri avtotexniki ekspertizanın rəyindən sonra bəlli olacaq. Faktla bağlı Gəncə şəhər Baş Polis İdarəsində araşdırma aparılır.