İki “Kamaz” toqquşdu, sürücü öldü

Ucarda ağır yol-nəqliyyat hadisəsi baş verib. Avtosfer.az-ın Fövqəladə Hallar Nazirliyinin (FHN) saytına istinadən verdiyi xəbərə görə, Ucar rayonunun Alpı kəndində iki "KamAZ" markalı yük avtomobili toqquşub. Avtomobillərdən birinin sürücüsü, 1964-cü il təvəllüdlü Hüseynov Qara Dəmir oğlu hadisə yerində vəfat edib. Xilasedicilər sürücünün cəsədini çıxarıb və aidiyyəti üzrə təhvil veriblər. Əməliyyat saat 05:56-da başa çatıb.