Yük maşını velosipedçinin üstündən keçərək öldürdü - FOTO

Kürdəmir rayonunda ölümlə nəticələnən yol-nəqliyyat hadisəsi baş verib. ”Report” xəbər verir ki, hadisə Ağsu-Kürdəmir-İmişli yolunun rayonun Təklə kəndindən keçən hissəsində qeydə alınıb. Ağsu rayon sakini, 62 yaşlı Elbrus Mosu oğlu Behbudov idarə etdiyi "Ford" markalı yük maşını ilə hərəkətdə olan zaman yolun kənarında, velosipedlə hərəkət edən Kürdəmir rayonunun Şahsevən kənd sakini, 19 yaşlı Ramil Adil oğlu Novruzovun üzərindən keçib.  

Yük avtomobilinin altında qalan R.Novruzov ağır bədən xəsarətləri alıb və elə hadisə yerindəcə dünyasını dəyişib.

Onun meyiti müayinə olunması üçün Səhiyyə Nazirliyinin Tibbi Ekspertizası və Pataloji Anatomoya Birliyinin Kürdəmir rayon şöbəsinə aparılıb.

Fakla bağlı araşdırma aparılır.