"Lexus" dərədən meşəyə yuvarlandı -" AZƏRBAYCANDA

Ələt–Astara magistralının 159-cu kilometrliyində ağır yol-nəqliyyat hadisəsi baş verib. Avtosfer.az-ın anspress.az-a istinadən məlumatına görə, Masallı rayonun Binə Xocavar kəndindən keçən hissəsində 44 yaşlı Altay Əhmədov idarə etdiyi “Lexus” markalı maşınla Ələt istiqamətində hərəkətdə olarkən əks istiqamətdən gələn, Cəlilabad rayonun Göytəpə şəhər sakini, 38 yaşlı Dəyanət Məmmədovun idarə etdiyi “Mercedes” toqquşub. Nəticədə “Mercedes” markalı avtomobil tam yararsız vəziyyətə düşüb. “Lexus” isə dərədən təxminən 100 metr məsafədəki meşəliyə yuvarlanıb. Hadisə nəticəsində müxtəlif dərəcəli bədən xəsarətləri alan hər iki maşının sürücüsü və 2 sərnişin Masallı rayon Mərkəzi Xəstəxanasına çatdırılıb.

Baş Dövlət Yol Polis İdarəsinin təhqiqatçısı Hakim Şahbazov deyib ki, “Lexus” markalı maşın qarşı tərəfdən sürətlə gələn avtomaşından qaçmaq üçün hərəkət zolağına - “Mercedes”in qarşısına çıxıb. Nəticədə toqquşma baş verib. Qəzanın baş verməsinin dəqiq səbəbləri ekzpertizanın verdiyi rəydən sonra bəlli olacaq.