“Lexus” sürücüsündən “kreativ” hərəkət

Qaradağ rayonu ərazisində bir neçə gün əvvəl maraqlı hadisə baş verib. Avtosfer.az xəbər verir ki, “Qafqazinfo”nun əldə etdiyi məlumata görə, hadisə saat 19:45 radələrində Sahil qəsəbəsi E.Quliyev küçəsində olub. Bakı şəhər sakini 1983-cü il təvəllüdlü Rəşad Məmmədovun idarə etdiyi «Lexus» markalı 90 LP 077 nömrəli və 1980-ci il təvəllüdlü Fərrux Məmmədovun idarə etdiyi «VAZ-210015» markalı 90 AJ 431 nömrəli avtomobillər toqquşub. R.Məmmədov xuliqanlıq zəminində beysbol çubuğu ilə «VAZ-21015» markalı avtomobilin ön və sol yan şüşələrini sındırıb.