"Lukoil"in yanında ana ilə oğulun qəzaya düşdüyü hadisə ilə bağlı xəbər var

Lənkəranda yol qəzası törətməkdə təqsirləndirilən Səbuhi Kazımlının cinayət işi üzrə ibtidai istintaq başa çatıb.

Avtosfer.az-ın əldə etdiyi məlumata görə, toplanan iş baxılması üçün Lənkəran Ağır Cinayətlər Məhkəməsimə göndərilib. Cinayət işi hakim Vüqar Əhmədovun icraatına verilib. Məhkəmənin ilkin hazırlıq iclasının vaxtı hələlik açıqlanmayıb.

Qeyd: Hadisə bu il martın 8-də saat 23 radələrində Lənkəran şəhəri, H.Əliyev prospektində yerləşən "Lukoil" yanacaqdoldurma məntəqəsinin yanında qeydə alınıb. Belə ki, Kazımlı Səbuhi Əmrəli oğlu idarə etdiyi "Toyota Pirus" markalı avtomobillə Səfərli Şəkər Şakir oğlunun idarə etdiyi "Tofaş" markalı avtomobillə toqquşub. Nəticədə Ş.Səfərli çoxsaylı bədən xəsarətləri alıb.  Bundan başqa, Ş.Səfərlinin avtomobilində ön sərnişin yerində əyləşmiş anası Səfərova Sevinc Ağamehti qızı aldığı bədən xəsarətlərindən Lənkəran RMX-də ölüb. Faktla bağlı Lənkəran ŞRPŞ-nin İstintaq bölməsində Cinayət Məclləsinin 263.2-ci maddəsi ilə cinayət işi başlanılıb.

Pravda.az