Marşrut avtobusu qəzaya düşdü; sərnişin öldü

Xətai rayonunun Zığ yolu küçəsində yol-nəqliyyat hadisəsi baş verib. Daxili İşlər Nazirliyindən Avtosfer.az-a verilən məlumata görə, hadisə fevralın 14-də saat 18 radələrində qeydə alınıb. Xətai rayonunun Zığ yolu küçəsində sürücüsü müəyyən edilməmiş 51 saylı xətt üzrə idarə edilən və Bakı şəhər sakini Fəxrəddin Həziyevin idarə etdiyi “Daewoo” markalı avtobuslar toqquşub. 51 saylı xətt avtobusunda olan 6 sərnişin, 2013-cü il təvəllüdlü Tamilla Hüseynova, 1962-ci il təvəllüdlü Ədalət İsmayılov, 1967-ci il təvəllüdlü Rövşən Hüseynov, 1973-cü il təvəllüdlü Rasim Cahangirov, 1988-ci il təvəllüdlü Kənan Hüseynli xəstəxanaya yerləşdiriliblər, vəziyyətləri orta ağır kimi qiymətləndirilir. 1958-ci il təvəllüdlü Əsgər Əsgərov isə xəstəxanada ölüb. Xətai Rayon Polis İdarəsi tərəfindən araşdırma aparılır.

Fidan