Maşın piyadanı vurub öldürdü-FOTOLAR

Dünən gecə Bakıda piyadanın ölümü ilə nəticələnən yol-nəqliyyat hadisəsi baş verib. APA-nın məlumatına görə, hadisə rayonun Gəncə prospekti ilə Sadıqcan küçələrinin kəsişməsində qeydə alınıb. “Mercedes” markalı avtomobil hərəkətdə olarkən yolu keçmək istəyən piyada - Şəki sakini, 55 yaşlı Yunisov Kənan Kamal oğlunu vurub. Piyada aldığı xəsarətlərdən hadisə yerində dünyasını dəyişib. Hadisədən sonra avtomobilin sürücüsü, 57 yaşlı İsgəndərov Saday İsmayıl oğlu Xətai Rayon Polis İdarəsinin əməkdaşları tərəfindən istintaqa cəlb edilib. Piyadanın vurulduğu avtomobil isə cərimə meydançasına aparılıb. Faktla bağlı araşdırma aparılır. Hadisənin hansı şəraitdə baş verdiyi araşdırmalar nəticəsində müəyyənləşdiriləcək.