Maşın yol kənarındakı tikiliyə çırpılıb bu hala düşdü - FOTOLAR
Qəzalar
27 Oktyabr 2014 00:53
Oxunub 1587
Şəkidə yol qəzası baş verib, bir nəfər xəsarət alıb
Şəkidə baş verən yol qəzasında bir nəfər xəsarət alıb. APA-nın məlumatına görə, hadisə Şəki-Qax avtomobil yolunun Şəkinin Biləcik kəndi ərazisindən keçən hissəsində qeydə alınıb. Şəki rayonu Baş Göynük kənd sakini, 1966-cı il təvəllüdlü Şahid Knyaz oğlu Məmmədov idarə etdiyi “NAZ-LİFAN” markalı 10 PT 655 dövlət nömrə nişanlı avtomobillə Şəkidən Qax rayonu istiqamətində hərəkətdə olarkən idarəetməni itirib. Maşın yol kənarındakı tikiliyə çırpılıb. Qəza nəticəsində avtomobildə olan sərnişin, sürücü Şahid Məmmədovun qardaşı 53 yaşlı Zahid Məmmədov aldığı müxtəlif dərəcəli bədən xəsarətləri ilə Şəki Rayon Mərkəzi Xəstəxanasına (RMX) aparılıb.
Şəki RMX-dan verilən məlumata görə, qəza nəticəsində daxil olan yaralı Zahid Məmmədovun vəziyyəti orta-ağır qiymətləndirilir, müalicəsi xəstəxanada aparılır. Faktla bağlı Şəki şəhər-rayon Polis Şöbəsində araşdırma aparılır.
ŞƏRH YAZ
DİGƏR XƏBƏRLƏR
