Maşınlar bir-birinə çırpıldı, qan su yerinə axdı

Dünən gecə saat 01 radələrində Abşeron rayonunda ölümlə nəticələnən zəncirvari yol qəzası baş verib. Avtosfer.az-ın Daxili İşlər Nazirliyinin mətbuat xidmətinə istinadən verdiyi məlumata görə, hadisə Xocəsən qəsəbəsində qeydə alınıb. Salyan şəhər sakini Səbuhi Məmmədov idarə etdiyi “Mercedes” markalı avtomobili yolun kənarında dayanan Bakı şəhər sakini Vilayət Vəliyevə məxsus “VAZ-2104” vurub. Zərbənin təsirindən maşın sonradan Sabirabad rayon sakini Teymur Həsənova məxsus “BMW” markalı avtomobillərə çırpılıb. Qəza nəticəsində S.Məmmədov və T.Həsənov xəstəxanaya yerləşdirilib. T.Həsənov ölüb, S.Məmmədova ilkin tibbi yardım göstərilib. Abşeron rayon polis şöbəsi tərəfindən araşdırma aparılır.

Nurlan